Сот тыңдауы басталғаннан кейін Денис Тэн отбасының қорғаушысы Нұрлан Устемиров журналистерге спортшыны өлтіру алдын ала жоспарланғанын және «тапсырысты»екенін айтты. Адвокат сотталушылардың жауаптарында көп нәрселер келіспейтін және тергеу барысында көп сұрақтардың жауабы ашылатынын атап өтті.
«Құдайбергенов алдымен соққы берген. Денис қайтыс болған соң, бұл Киясов деді. Қиясов өз кінәсін мойындады. Бірақ соққы 90 градус бұрышта жасалды. Осындай бұрыштан артынан соға алмайды. Соққыны тек алдында тұрған адам ғана жасаған . Сұрақ, неге Киясов соққы бердім деп мойындады?»- деп атап өтті адвокат.
Адвокат фигуристің өліміне қатысты істе жаңа куәгерлер пайда болғанын айтты. Олар — қылмыс орнына жақын жерде болған полицейлер.
«Полицейлер машинада отырды. Егер көлік тұрған жерден шығсаңыз, онда олар бәрін көрді. Менің ойымша, олар айнаны қалай алып жатқанын да көрген», − деп мәлімдеді адвокат.
Бірақ кім белгілі спортшының өлімін қалады, қылмысқа «тапсырыс беруші» кім екенін адвокат айтқан жоқ. Ол бұл фактілерді сот талқылауы кезінде жариялайтынын атап өтті.
Сулет: newtimes.kz
