Ауыл ауруханасының хирургы мен науқас арасындағы жанжал сот айтыс-тартысына айналды. Дәрігер мен науқас бір-бірін қорлап, жала жапқаны үшін айыптады, деп хабарлайды NUR.KZ тілшісі.
Шет ауданының Ағадыр кентінде, жергілікті аурухананың хирургы мен емделушісі арасында, айтарлықтай жанжал туындады. Дәрігер емделушісі оны үнемі қорлайтыны жөнінде екі рет сотқа шағымданды.
Медицина қызметкері емделуші жұмыстан тыс уақытта келіп, онымен дау-жанжал жасап, облыстық денсаулық сақтау басқармасына шағым жазатынын айтты. Сотта медицина қызметкерінің қорлау бөлігіндегі дәлелдері дәлелденбеген.
Айыпталушының айтуынша, дәрігер бірінші рет этиканы бұзуға жол беріп, онымен өрескел түрде сөйлескен. Сондай-ақ, ол шағымданғанын растады.
Екі сот отырысы бірнеше ай айырмашылығымен айыпталушы-емделушіңің жағында болды. Соттан кейін зейнеткер қарсы арыз жазып, дәрігер оның көңіл-күйін нашарлатқаны үшін өтемақы өндіріп алуды талап етті.
Сотта зейнеткер дәрігердің іс-әрекетінен, оның денсаулығы ауырлағанын, көп уайымдап, осының салдарынан оның созылмалы ауруы асқынғанын мәлімдеді.
Зардап шеккен адам өз зардабын өтеу үшін дәрігерден 150 мың теңге талап еткен. Сот емделушінің дәлелдерін тыңдап, оның пайдасына 20 мың теңге өндіріп алды. Азаматтық талаптың қалған бөлігін қанағаттандырудан сот бас тартты.
