Дүниежүзілік банк “Doing Business” бизнесті жүргізу жеңілдігі бойынша рейтингте Қазақстанның позициясын 3 тармаққа — 28-ден 25-ке дейін көтерді, деп “ҚазАқпарат” ХАА primeminister.kz сілтеме жасап хабарлайды.
“Doing Business” рейтингінде Қазақстанның позициясын арттыру Үкіметтің қолданыстағы заңнаманы реформалау, рұқсат беру жүйесін жетілдіру, бизнесті құру рәсімдерін оңайлату, мемлекеттік бақылау-қадағалау қызметін оңтайландыру және бизнес климатты жақсарту бойынша жүргізіліп жатқан жүйелі жұмысының арқасында мүмкін болды.
Бизнесті дамыту үшін жағдайды жақсарту жөніндегі жұмыс Елбасы Н. Назарбаевтың және Мемлекет басшысы Қ. Тоқаевтың тапсырмаларына сәйкес жалғасатын болады.
Дүниежүзілік банк жыл сайын бизнесті жүргізу шарттарының қолайлылығы бойынша 190 мемлекеттің рейтингін жариялайды. Талдау жаңа бизнес құруға, құрылысқа рұқсат алуға, электр энергетикалық инфрақұрылымға қол жеткізуге, меншік құқығын тіркеуге, несие алуға, миноритарлық инвесторлардың құқықтарын қорғауға, салық салуға, халықаралық сауданы жүзеге асыруға және т. б. кететін уақыт пен ақша қаражатын қоса алғанда, 10 индикатор бойынша жүргізіледі.
Қазақстан анықтады Исландияны (26 орын), Австрияны (27 орын), Ресейді (28 орын), Жапонияны (29 орын), Испанияны (30 орын), Арменияны (47 орын), Беларусьті (49 орын), Қырғызстанды (80 орын) және көптеген басқа елдерден озды.
“Doing Business” рейтингінің көшбасшылары — Жаңа Зеландия, Сингапур және Гонконг.
