Қазақстан Парламенті жоғарғы палатасының төрағасы Дариға Назарбаеваның Дүниежүзілік банктің Орталық Азия бойынша аймақтық директоры Лилия Бурунчукпен кездесуі өтті. Бұл туралы Қазақстан Республикасы Сенатының баспасөз қызметі хабарлады.
Қазақстан Парламенті жоғарғы палатасының баспасөз қызметінде атап өткендей, кездесуде қатысушылар біздің республика мен Дүниежүзілік банк арасындағы ынтымақтастық мәселелерді талқылады.
Дариға Назарбаеваның айтуынша, қазіргі уақытта Қазақстан Сенатында қазақстандық экономиканың өсуін жеделдетуге және ел азаматтарының табысын арттыруға қатысты мәселелеріне ерекше көңіл бөлінуде.
Дүниежүзілік банктің өкілі өз кезегінде Қазақстан Республикасындағы салық реформасының нәтижелері бойынша зерттеу жүргізуді, соның ішінде салықтық жеңілдіктердің тиімділігін бағалауды ұсынды.
Сондай-ақ, кездесу барысында Лилия Бурунчук Сенат спикеріне Дүниежүзілік банк тарапынан агроөнеркәсіптік кешен саласындағы бағдарламаларды бақылау мүмкіндіктері туралы ақпарат берді.
Сонымен қатар, Бурунчук бірлескен жұмысқа дайын екенін мәлімдеп, Дүниежүзілік банктің сарапшылары әкімшілендіруді талдау мен бақылауға қатысты жобаларға тиісті назар аударатынын атап өтті.
Сурет: zakon.kz
