Жаппай тәртіпсіздік орын алған Қордай ауданында тұратын дүнгендер тергеу кезінде орын алған әділетсіздіктер туралы мәлімдеді. Бұл туралы “ҚазТАГ” ақпарат агенттігі хабарлады.
Дүнгеновтың айтуынша, тергеу органдарында айыпталушы ретінде Қордай оқиғасына қатысушылар ғана емес, сонымен қатар елді мекендерді қорғаған тұрғындар да болған.
“Жарақат алған және мертіккен ауыл қорғаушыларын шақыру қағазынсыз және басқа да құжаттарсыз шақырып, жауап алады”, – делінген дунгандардың үндеуінде.
Сондай-ақ, дүнгендер әлі күнге дейін мемлекеттен ешқандай өтемақы алмағандарын айтты, дегенмен көптеген тұрғындар қаражатсыз және баспанасыз қалған.
“Үш ай өткен соң моральдық шығынды айтпағанда, материалдық шығындарды өтеу мәселесі шешілген жоқ. Асыраушысынан айрылуына байланысты жәрдемақыдан басқа, ешкім өтемақы төлемдерін алған жоқ”, – делінген олардың үндеуінде.
Қордай ауданындағы жаппай тәртіпсіздік салдарынан адамдар қаза тауып, зардап шеккег оқиға ағымдағы жылдың ақпан айында болды.
Сондай-ақ, қақтығыстың нәтижесінде Жамбыл облысының Талас, Бұлар батыр және Аухатты елді мекендерінде 39 тұрғын үй мен 20 коммерциялық нысан толығымен қирады.
Сурет: azh.kz
