Қызылорда облысында мал шаруашылығын қолдауға 2 млрд 361 млн теңге бөлінді. Бұл 2018 жылға қарағанда 113 млн теңгеге артық. Мемлекет бөлген ақшаны асыл тұқымды мал сатып алуға, ет және сүт өнімдеріне субсидия төлеуге, мал азығын сатып алуға, асыл тұқымды және селекциялық жұмыстарға жұмсау жоспарлануда.
2018 жылы Қызылорда мал өсірушілері 500 бас ірі қара мал сатып алды. 2019 жылы мал Чехия мен Ресейден сатып алынады.
“Келесі аптада мал іріктеу үшін Чехияға баруды жоспарлап отырмыз. Енді абердин-ангус тұқымының малын таңдаймыз. Оның еті мәрмәр деп аталатын жоғары сапалы. Бізге бұл тұқым қажет, себебі 2019 жылы біз заманауи ет комбинатын іске қосып, өнімді экспортқа жіберуіміз керек”, – деді Қазалы ауданы “Сыр маржаны” ЖШС директоры Мнажадин Өтеев.
Облыстық ауыл шаруашылығы басқармасында тағы бірнеше асыл тұқымды мал шаруашылығы мәртебесін алуға құжаттарын дайындауда.
“Фермерлер қазақстандық асыл тұқымды бұқаларды сатып алғаны үшін 150 мың теңгеден және шетелден мал басын сатып алу үшін 250 мың теңге жұмсаймыз. Біздің фермерлеріміздің Иран, Моңғолия, БАӘ, Өзбекстанға мал жіберуге ниеттері пайда болды. Мысалы, тірі салмақта 300 түйе мен қой Өзбекстанға, 1 600 қой Иранға, 70 түйе Біріккен Араб Әмірліктеріне жөнелтілді”, – деді мал шаруашылығы бөлімінің басшысы Арыстанбек Омаров.
Сулет: kursiv.kz
