Біздің республикамызда жұмыс істейтін букмекерлер ойын бизнесіне байланысты заң жобасына кейбір түзетулерге наразылық білдіріп, мемлекет басшысы Қасым-Жомарт Тоқаевқа жүгініп көмек сұрады , деп хабарлайды lsm.kz ақпарат ресурсы.
Бұл туралы Қазақстанның букмекерлер қауымдастығының басшысы Арай Сағынтай толығырақ мәлімет берді. Оның айтуынша, букмекерлер кассаларды резервке шығару нормасына наразы.
Сонымен қатар, ол букмекер кассаларының Қапшағай мен Бурабайға аударылуына байланысты республика бюджеті миллиардтаған теңгеден айырылуы мүмкін екенін атап өтті.
«Резервтеу есебінен бюджет 18 миллиард теңгені жоғалтады. Айтыңыздаршы, қандай бизнес саласы бюджетке осынша ақша төлейді. Сондай-ақ, 8 мыңға жуық адам, негізінен әйелдер, жұмысынан айырылады деп айтуға болады», — деді Арай Сағынтай.
Оның айтуынша, букмекерлер қазір дағдарысты бастан кешіруде, соның салдарынан үлкен корпорациялар тіпті ақырғы шараларға барып, өз қызметкерлерін қысқартуға мәжбүр.
«Жемқорлық қаупі болады, көлеңкелі нарықтың артады, барлығы көлеңкеге кетпеді. Шетелдік букмекерлер сайттарын ашады. Егер олар бұғатталатын болса, айна сайттарын ашады», — деді Сағынтай.
Қазақстан букмекерлер қауымдастығының басшысы біздің еліміздің көшбасшысына жүгініп, туындаған жағдайды шешуге көмектесуін сұрады.
Сурет: amp.astana.ua
