Бельгия астанасына дөңгелек үстел отырысы өтті,онда «Қазақстанның жаңа басшылығы: Қазақстан Республикасы мен Еуропалық Одақ арасындағы қарым-қатынастарға әсері қандай?» тақырыбы талқыланып, Қазақстанның сыртқы саяси ведомствосы басшысының орынбасары Роман Василенко сөз сөйледі.
Іс-шараға Қазақстанның Сыртқы істер вице-министрінен басқа, Еуропа Парламентінің Орталық Азия елдерімен қатынастар жөніндегі делегациясы басшысының орынбасары қызметін қоса атқаратын Еуропарламент депутаты, Андрис Америкс және «Көршілес саясат жөніндегі Еуропалық Кеңес» зерттеу орталығының басқарушы директоры Самуэль Вестербай қатысты.
Сондай-ақ дөңгелек үстелге Еуропалық сыртқы іс-әрекеттер қызметінің Орталық Азия бойынша басқармасы басшысының орынбасары Филипп ван Амерсфорт және Еуропалық сауда жөніндегі комиссияның бас директоратының Қазақстан бойынша үйлестірушісі Жоселин Гуиттон қатысты.
Іс-шараға қатысушылардың алдында сөйлеген сөзінде Қазақстан Сыртқы істер министрлігі басшысының орынбасары мемлекет басшысы Қасым-Жомарт Тоқаевтың ҚР Президенті болғаннан бергі жетістіктері туралы айтты. Сонымен қатар, Еуроодақ өкілдері Тоқаев жолдауының негізгі аспектілерімен, оның ішкі және сыртқы саясатының басымдықтарымен танысты.
Сонымен қатар, қазақстандық дипломат Қазақстан Республикасының басшылығы Еуропалық Одақпен ынтымақтастықты одан әрі дамытуға қатысты мәселелерге ерекше мән беретінін мәлімдеді.
Өз кезегінде, Еуроодақ өкілдері біздің республикамыз Еуропалық Одақтың Орталық Азия өңіріндегі басты серіктестерінің бірі болып табылатынын және Қазақстанда жүргізіліп жатқан реформаларды қолдап, олар құқық үстемдігін нығайтуға бағытталған, экономикалық мәселелер бойынша құрылған Қазақстан – Еуроодақ диалог тұғырнамасын бағалады.
Дөңгелек үстел соңында Қазақстан мен Еуропалық Одақ арасындағы кең ауқымды келісімнің заңды күшіне енуі осы ынтымақтастықтың одан әрі дамуына жаңа серпін береді деген ортақ шешімге келді.
Сурет: mfa.gov.kz
