Бельгия астанасында Қазақстан-Бельгия саяси консультацияларының кезекті раунды өтті, оған Қазақстанның сыртқы саяси ведомствосы басшысының орынбасары Роман Василенко қатысты,деп хабарлайды Қазақстан Республикасы Сыртқы істер министрлігінің баспасөз қызметі.
Қазақстандық сыртқы саясат ведомствосының ақпаратына сәйкес, бельгиялық тараптан бұл консультацияларға сыртқы істер министрлігі екіжақты ынтымақтастық дирекциясының бас директоры Аник Ван Калстер қатысты.
Кеңес барысында Қазақстан мен Бельгия арасындағы саяси, экономикалық және мәдени-гуманитарлық өзара іс-қимыл мәселелері талқыланды. Сондай-ақ, тараптар халықаралық мәселелердің кең спектрін қарастырды.
Кездесуге қатысушылар алдында сөз сөйлеген қазақстандық дипломат Қазақстанда құқық үстемдігін қамтамасыз ету бойынша институционалдық реформалардың, сондай-ақ «Нұрлы жол» бағдарламасының іске асырылу барысы туралы айтты. Сонымен қатар, Роман Василенко Қазақстан президенті Қасым-Жомарт Тоқаевтың жолдауының негізгі бағыттары туралы толық мәлімет берді.
Қазақстан мен Бельгия арасындағы ынтымақтастық туралы айта келе, дипломаттар екі мемлекет қарым-қатынасының ағымдағы нәтижелерін атап өтіп, қазіргі заманғы әлемнің өзекті мәселелерін шешу мақсатында халықаралық және өңірлік ұйымдар аясындағы өзара іс-қимылды кеңейту мәселелерін қарастырды.
Консультацияларда Ауғанстанды қалпына келтіру бойынша жәрдемдесу жөніндегі ынтымақтастық және халықаралық қауіпсіздік саласындағы өзара іс-қимыл мәселелері қозғалды.
Кездесу соңында Қазақстан мен Бельгия арасындағы екіжақты ынтымақтастықты барлық салаларда дамыту қажет деген ортақ қорытындыға келді.
