Henry Jackson Society Британдық талдау орталығының мүшелері Еуропа мен Азия елдері арасындағы өзара іс-қимылды нығайту мәселелерін талқылады. Сонымен қатар, олар Еуразия елдері Парламенттері спикерлерінің өткен отырысының қорытындысына назар аударды.
Henry Jackson Society қоғамының Стивен Диел Британ орталығының сарапшылары маңызды мәселелер бойынша жиналатынын атап өтті. Оның айтуынша, бұл жолы қоғам мүшелері осы жылдың қыркүйек айында Нұр-Сұлтан қаласында өткен Еуразия елдері парламенттері спикерлері отырысының нәтижелеріне қызығушылық танытты.
“Қатысушылардың форматын кеңейту және басқа мемлекеттер тарапынан Еуразиялық парламенттік өлшемге деген қызығушылықтың артуы қуантады. Еуропа мен Азияның 65 елінен келген парламенттік делегациялар, сондай-ақ 14 халықаралық ұйымның өкілдері көп нәрсені айттды”, – деді ол.
Сонымен қатар, брифинг барысында британдық тәуелсіз орталықтың сарапшылары Қазақстан Республикасы астанасының сыртқы саяси және халықаралық бастамаларын жоғары бағалады.
Henry Jackson Society қоғамының зерттеу орталығының директоры Эндрю Фоксал брифингте Қазақстанның Еуразиялық континент қалыптасуындағы және оның сыртқы саясатындағы рөліне ерекше назар аударылғанын атап өтті.
“Сондай-ақ, Еуропа мен Азия тарапынан қазіргі заманғы сын-қатерлерге қалай қарсы тұратынын білу бізге қызықты болды. Әсіресе сандық технологиялар саласындағы істің жағдайын білу маңызды болды”, – деді Эндрю Фоксал.
Британдық Henry Jackson Society тәуелсіз қоғамы 2005 жылы Кембридж университетінде құрылды. Оның басты мақсаты Ұлыбританияның халықаралық саясатының бөлшек аспектілерін зерттеу болып табылады.
