Ұлыбританияның Қазақстандағы Төтенше және Өкілетті елшісі Майкл Джон Гиффорд Brexit-тен кейінгі Қазақстан-Британ ынтымақтастығының негізі болатын келісім туралы айтты.
Дипломаттың айтуынша, бүгінгі таңда оның елі мен Қазақстан Brexit-тен кейінгі қазақстандық-британдық ынтымақтастықты қамтитын келесі келісімнің келешегін қарастыруда.
«Біздің тамаша сауда және инвестициялық байланысымызды алға тарта отыра, Британдық — Қазақстандық стратегиялық әріптестіктің мәні Brexit-тен кейін өзгермейді», — деді Майкл Джон Гиффорд.
Сонымен қатар, ол өз елі Еуропалық одақтан нақты шықпағанын, ол өткен жылы британ парламентінің депутаттары бекіткен Еуроодақ пен Қазақстан арасындағы кеңейтілген әріптестік пен ынтымақтастық туралы келісімнің бір бөлімі болып табылатынын атап өтті.
Сондай-ақ, британдық елші Ұлыбритания біздің республикамызбен немесе Еуразиялық экономикалық одақпен сауда келісімін жасауды жоспарлап отырмағанын айтты.
Қазақстан мен Ұлыбританияның ынтымақтастығы туралы айта келе, Британдық елші оның елі Қазақстан Республикасының ірі сауда серіктестерінің ондығына кіретінін,соңғы 13 жылда біздің республикамызға Британ инвестициясының көлемі 13 миллиард доллардан асқанын атап өтті.
