Британдық азаматтық авиация агенттігінің сарапшылары Қазақстанға азаматтық авиацияны реттеудің Британдық моделіне көшу бойынша техникалық көмек көрсету үшін ресми сапармен келеді. Бұл туралы Қазақстан Республикасы азаматтық авиация комитетінің баспасөз қызметі хабарлады.
Ресми сапары кезінде британдық сарапшылар біздің республикамыздың заңнамасын зерделеп, Еуропалық авиациялық қауіпсіздік агенттігінің ережелерін енгізу жөніндегі бастамаларды ұсынатын болады деп жоспарлануда.
“Авиациялық әкімшілік қызметінің әртүрлі бағыттары бойынша шетелдік және отандық сарапшылардан бірлескен жобалау тобы құрылды. Жобалық топтың құрамында: Питер Гриффитс – “Қазақстанның авиациялық әкімшілігі” АҚ Бас директоры, Роб Ерскайн-CAAi Азия – Тынық мұхиты аймағы бойынша халықаралық операцияның жетекшісі, Грэмхэм Уилер – CAAi халықаралық техникалық ресурсының жетекшісі, Дэн Эдвардс – CAAi аға саяси талдаушысы, сондай-ақ азаматтық авиация және Қазақстанның авиациялық әкімшілігі комитетінің мамандары бар”, – деп хабарлады азаматтық авиация комитетінде.
Жоба тобының жұмысы аясында семинарлар мен тұсаукесерлер өтеді. Сонымен қатар, “ЭйрАстана”, “Скат”, “Қазавиақұтқару” авиакомпаниялары, азаматтық авиация академиясы, әуежайлар, аэронавигация өкілдерімен өткен өзгерістерді түсіндіру бойынша кездесулер өткізіледі.
