Бразилиядан келген сайлауды бақылаушылар тобының басшысы, Бразилия-Қазақстан парламентаралық достық комитетінің төрағасы Дасис Родригес Орталық сайлау комиссиясы төрағасының орынбасары Константин Петровпен әңгімелескеннен кейін, Қазақстанда сайлауды ұйымдастыру жоғары деңгейде қамтамасыз етілгендігін мәлімдеді. Бұл туралы “Қазақпарат” ақпарат агенттігі хабарлайды.
“Орталық сайлау комиссиясының вице-төрағасымен кездесу қорытындысы бойынша, мен сайлауды ұйымдастыру өте жақсы өтті деп есептеймін. Барлық халықаралық бақылаушылар сайлауды бақылау мақсатында осында.Бақылаудың нәтижесі оң болады деп ойлаймын. Осыған байланысты мен осы сапар үшін, баспасөз мәслихаты үшін тағы да алғысымды білдіргім келеді және жексенбі күні 9 маусымда сайлау нәтижелерін күтетін боламыз”,-деді Франциско Дасис Родригес.
Сондай-ақ, Франциско Дасис Родригес Бразилиядан келген бақылаушылар төрт сайлау учаскесінде болады деп мәлімдеді. Ол Қазақстанда Бразилия алғаш рет бақылаушы рөлінде екенін атап өтті. Алайда, олардың Венесуэла мен АҚШ-тағы сайлауға қатысу тәжірибесі бар.
Сурет: brasil.ru
