Астаналық отын-энергетика кешені және коммуналдық шаруашылық басқармасының басшысы Ернат Базил баспасөз конференциясы аясында Нұр-Сұлтанның барлық нысандарында электр энергиясын беру қалпына келтіргенін мәлімдеді.
“Өздеріңіз білетіндей, 10 қарашада “Сол жағалау” қосалқы станциясындағы өрттің салдарынан кабельдік желінің зақымдануына байланысты электр қорегі өшірілді. “Керуен” сауда орталығынан электр қуатын ажырату басталды. Түтіннің белгілері пайда болуына байланысты автоматтар іске қосылып, қосалқы станцияларға қосылған нысандар ажыратыла бастағандықтан барлық подстанцияны өшіру туралы шешім қабылданды,өйткені сол кезде біз себебін білмедік. “, – деді Ернат Базил.
Сонымен қатар, әкімдік басқармасының басшысы Нұр-Сұлтанда жанып кеткен шоғырсым желісін қалпына келтіру бойынша 16 адамнан тұратын апаттық-қалпына келтіру бригадасы және 6 бірлік техника жұмыс істегенін хабарлады. Ол көп жұмыс бітірді, атап айтқанда, бригада барлық жанып кеткен шоғырсымды тазартты, оны кесіп, жаңасын жүргізді.
Бүгін таңнан бастап ғимараттар біртіндеп қосыла бастады. Қазіргі уақытта барлық нысандар қосылды. Соңғы екі нысан – “Бәйтерек” монументі мен “Мәскеу” сауда орталығы қазір қосылды, кернеу берілді”, – деп атап өтті елордалық басқарма басшысы
Сурет: kipyat.com
