Қазақстанда жүйелі есепке алу мақсатында вакцинациялаудың электрондық паспорты әзірленді. Бұл туралы ҚР Денсаулық сақтау министрі Алексей Цой мәлімдеді.
Үкімет отырысында Денсаулық сақтау министрі жүйелі есепке алу мақсатында вакцинацияның электрондық паспорты әзірленгенін хабарлады. Вакцинация жүргізу туралы деректер Министрліктің орталықтандырылған ақпараттық жүйесінде электрондық форматта жүргізілетін болады.
“Веб-қосымшада пациент пен медицина қызметкерінің m-gov мобильді қосымшасында ақпаратты қолмен енгізу мүмкіндігі бар. Жүйе жаһандық ақпараттық жүйелермен интеграциялануға қабілетті және вакцинацияны алған барлық адамдарға талап етілетін жерде және еркін қозғалу үшін ақпарат беруге мүмкіндік береді”, — деп Алексей Цой толықтырды.
Естеріңізге сала кетейік, бүгін Нұр-Сұлтанда Үкімет отырысы өтті. Отырыс барысында ҚР Денсаулық сақтау министрі Алексей Цой Қазақстанның коронавирустық инфекцияның таралуы бойынша “сары аймақта” тұрғаны туралы баяндады.
Сондай-ақ, елде коронавирус ауруының мүмкін болатын мерзімдері аталды.
1 ақпанға қарай Қазақстанда коронавирустық инфекцияға қарсы вакцинациялауды бастау жоспарлануда.
Сурет: inform.kz
