Қазақстанда энергиялық тиімді мемлекеттік сатып алуды енгізу жоспарлануда, деп Kazakhstan Today хабарлайды. Бұл туралы Мәжілісте “Қазақстан Республикасының кейбір заңнамалық актілеріне энергия үнемдеу және энергия тиімділігін арттыру мәселелері бойынша өзгерістер мен толықтырулар енгізу туралы” заң жобасын таныстыру барысында ҚР Индустрия және инфрақұрылымдық даму вице-министрі Аманияз Ержанов мәлімдеді.
Вице-министр атап өткендей, айтарлықтай энергия үнемдеу әлеуетіне ие бюджеттік секторды реттеуді күшейту үшін (энергия үнемдеу әлеуеті 40% – ға жетеді) бірқатар құралдарды енгізу ұсынылады.
“Энергия тиімді мемлекеттік сатып алуды енгізу мемлекеттік мекемелерде энергия тұтынуды төмендетуді қамтамасыз етеді және энергия тұтынатын жабдықтардың қазақстандық нарығын қайта құруға серпін береді”, – деп хабарлады Аманияз Ержанов.
Бұдан басқа, энергия тұтыну нормативтерін белгілеу, оларды сақтау мониторингі, бенчмаркинг және энергия тиімділігі бойынша тиісті ұсынымдар беру ұсынылады.
