“Қазақстан фермерлер одағы” Республикалық қоғамдық бірлестігінің президенті Жигули Дайрабаев ауыл шаруашылығы саласы салықтарынан ауыл бюджеттеріне түсім түсіруге шақырады, деп хабарлайды “ҚазАқпарат” ХАА.
“Өндірістің негізгі құралы – жер” Ауылдарда өмір сүру жағдайлары соған байланысты. Сондықтан жер пайдаланушылардан түсетін салықты төртінші деңгейге дейін көтеру мүмкіндігін қарастыру және бұл ақшаның ауыл бюджетіне түсуін қамтамасыз ету қажет”, – деді Жигули Дайрабаев Жер реформасы жөніндегі комиссияның бірінші отырысында сөйлеген сөзінде.
Сондай-ақ, спикері бүгінгі таңда ауылдық бюджет қалай құрылатынын айтты.
“Бүгін ауыл бюджеті салықтың алты түрі бойынша жасалады, алайда бұл сома әкімдік аппаратының айлық жалақысын қамтамасыз етуге де жетпейді. Сондықтан Жер реформасы аясында Салық кодексіне өзгерістер енгізу қажет деп санаймыз”, — деп атап өтті Жигули Дайрабаев.
Бұған дейін “Қазақстан фермерлер одағы” Республикалық қоғамдық бірлестігінің президенті жерді адал пайдаланушыларға жалға алу мерзімін ұзартып, басым құқық беруді ұсынған болатын.
