Қазақстан ірі ресейлік ритейлермен алманың 9 түрін жеткізу туралы келісті, деп хабарлады Қазақстанның Сауда және интеграция министрі Бақыт Сұлтанов өзінің Facebook-тегі аккаунтында.
Оның айтуынша, жақында Қазақстанның Ресейдегі Сауда өкілдігі Ресейдің ірі бөлшек сауда компаниясы Х5 Retail Group-пен (“Пятерочка”, “Перекресток”, “Карусель” сауда желілерін басқарады) келіссөз жүргізіп, қазақстандық жеміс-көкөніс өнімдерін, тоқыма және киім-кешек, бакалея, алкогольсіз сусындарды жеткізу туралы уағдаласты.
“Бірінші келісім-шарт Алматы облысының өндірушілерінен алманың 9 түрін жеткізу туралы келісім болды, о
мұнда тапсырыстың бірыңғай орындаушысы “Trade apple” ЖШС болды. Бұл ЖШС шоғырландырылған өндіруші кәсіпорындардың мүддесін білдіретін улгілі кооперация болып табылады. Яғни, фермерлер жеткізу сапасы мен мерзімі бойынша сауда желілерінің талаптарына сәйкес критерийлерді сақтай отырып, тапсырыспен сұралатын өнім көлемін қамтамасыз етеді”, — деп жазды Сұлтанов.
Қазір жеңіл өнеркәсіп өнімін ритейлерге жеткізу бойынша келісімшарттар да осындай қағидат бойынша пысықталуда: қазақстандық кәсіпорындардың мүддесін білдіретін “QazTextileIndustry” өзін-өзі реттейтін ұйымы болады, ал тапсырыстарды орындауға “AZALA Textile” (төсек-орын жабдықтары, түкті, вафельді сүлгілер), “Әлем БТ” және “УК ЮНИС” (шұлық-ұйық өнімдері) дайын. Дәл осындай жұмыс қазір “Лента” және “Мария-РА” Федералды сауда желілерімен жүргізілуде (оларды жеміс-көкөніс өнімдері қызықтырады), – деп қосты министр.
Биыл Ресейдің барлық ірі сауда желілерінің өкілдері сауда өкілдігінің қызметкерлерімен бірге өндірістік қуаттылық пен өнімнің кең ассортиментінің бар екеніне жеке көз жеткізу үшін (желілермен басты келіссөз жүргізушілер ретінде) қазақстандық кәсіпорындардға келеді.
