Сауда және интеграция министрі Бақыт Сұлтанов электрондық сауда алаңдары үшін жоғары стандарттарды әзірлеу жұмыстары туралы айтты, деп KAZAKHSTAN TODAY хабарлайды.
Сұлтанов онлайн-платформалар жұмысының жоғары стандарттары — бұл “тұтынушылардың құқықтарын қорғаудың пәрменді тетіктерінің және жалпы электрондық коммерцияға деген сенімнің өсуінің кілті”екенін атап өтті. Министрлік тұтынушылардың құқықтарын қорғауға қатысты электрондық сауда фирмаларының қызмет провайдерлері үшін нұсқаулықтар мен ұсыныстар әзірлеуді, сондай-ақ электрондық коммерция саласында бірыңғай үлгілік шарттар әзірлеуді ұсынды. Сондай-ақ, Интернеттегі сатып алуларға деген сенімді арттыру үшін Ресей мен Беларусьтің тәжірибесі пайдаланылуы мүмкін, онда электрондық коммерция компанияларының тізілімі бар. Онда заңды деректер, тұтынушы қажет болған жағдайда пайдалана алатын компаниялардың деректемелері жазылған”, — деді ведомство басшысы. Оның айтуынша, бұл бизнес субъектісі қызметінің ашықтығын қамтамасыз етеді және тұтынушылардың құқықтарын қорғауға ғана емес, электрондық бизнеске де сенуге мүмкіндік береді. 2019 жылғы қаңтардан бастап Қазақстан ДСҰ-ға мүше 80-нен астам елдің құрамында ДСҰ-ның электрондық сауда жөніндегі жаңа келісімі бойынша плюрилатералдық келіссөздерге қатысады. ДСҰ-ға мүше елдер тобы ДСҰ-ның электрондық сауда жөніндегі болашақ плюрилатералдық келісімінің “жиынтық мәтінінің” жекелеген бөліктерін талқылауға кірісті. Келісім жобасының негізгі ережелерінің бірі “сенім және электрондық сауда” бөлімі болып табылады, онда тұтынушылардың құқықтарын қорғауды қамтамасыз ету және электрондық сауда саласындағы дербес деректерді қорғау бойынша ережелер қалыптастырылады”, — деп министр атап өтті. Ол тұтынушылардың құқықтарын қорғау мәселелері жөніндегі ережелер салалық шағын келіссөздер тобы шеңберінде талқыланатынын, онда ДСҰ-ға мүше елдер-әзірлеушілер (пропоненттер) С 1 кіші бөлімінің ережелерін қалыптастыратынын қосымша хабарлады.,
электрондық саудадағы тұтынушылардың құқықтарын қорғау мәселелерін реттейді. Осы шағын келіссөз тобының фасилитаторы (үйлестірушісі) Жаңа Зеландия болып табылады. Трансшекаралық электрондық саудада тұтынушылардың құқықтарын қорғауды нығайту мақсатында электрондық саудаға байланысты бұзушылықтарды анықтау үшін тергеу жүргізу кезінде тұтынушылардың құқықтарын қорғау саласындағы құзыретті ведомстволардың халықаралық ынтымақтастығын орнату ұсынылады. Бүгінгі күні электрондық саудада тұтынушылардың құқықтарын қорғауды нығайту жөніндегі жұмыс ДСҰ-ның электрондық сауда жөніндегі жоғарыда көрсетілген келісімі шеңберінде де жалғастырылатын болады. Электрондық сауда саласында халықтың құқықтары мен мүдделерін қорғауды күшейту мәселесі Министрліктің ерекше бақылауында”, — деп Сұлтанов түйіндеді.
