Қазақстан аумағында еліміздің Қарулы Күштері қатарына шақыру науқаны басталды. Биыл жүз мыңнан астам қазақстандық жасөспірімді мерзімді әскери қызметке шақыруға ниеттеніп отыр. Бұл туралы Қорғаныс министрлігі хабарлады.
Еліміздің әскери қызмет және әскери қызметшілердің мәртебесі туралы заңына сәйкес тіркелген жылы 17 жасқа толған жасөспірімдер тіркелуге жатады.
Бүгінгі күні жергілікті әскери басқару органдарының өкілдері адамдарды шақыру учаскелеріне тіркеуді жүзеге асырады, олардың санын, әскери қызметке жарамдылық дәрежесін анықтайды, сондай-ақ олардың білімі мен дене даярлығы деңгейін айқындайды.
“Жергілікті атқарушы органдардың шешімі бойынша медициналық комиссиялар құрылды. Лауазымды тұлғалар жастармен әңгіме жүргізеді, тиісті құжаттардың бар – жоғын тексереді, содан кейін медициналық куәландыру жүргізіледі”,-деп Қазақстан Қарулы Күштері Бас штабы жанындағы Ұйымдастыру-жұмылдыру жұмысы департаментінің өкілі подполковник Азамат Дусимов түсіндірді.
Барлық процедуралардан сәтті өткен жастарға алғашқы әскери құжат жазылып, беріледі. Біз шақыру учаскесіне тіркеу туралы куәлік туралы айтып отырмыз.
Жастарды шақыру учаскелеріне тіркеу біздің елімізде жыл сайын – қаңтардан наурызға дейін жүргізіледі.
“Осыған байланысты Қорғаныс министрлігі әскерге шақыру жасына дейінгі азаматтардың ата – аналарын шақыру науқанына түсіністікпен қарауды сұрайды”, – деп Дусимов атап өтті.
Сурет: ru.sputnik.kz
