Қырғызстан астанасында Қазақстан-Қырғыз сыртқы істер министрліктері аралық консультациялары өтті, оған Қазақстан мен Қырғызстан министрліктерінің орынбасарлары Марат Сыздықов пен Нұран Ниязалиев қатысты. Бұл туралы ҚР Сыртқы істер министрлігінің баспасөз қызметі хабарлады.
Қазақстандық сыртқы саясат ведомствосының ақпараты бойынша, СІМ аралық консультацияда екі мемлекет арасындағы саяси, сауда-экономикалық, су-энергетикалық және мәдени-гуманитарлық салалардағы екіжақты ынтымақтастыққа қатысты өзекті мәселелер талқыға саланды.
Тараптар туризм мен шекара маңындағы ынтымақтастықты дамыту, оның ішінде екі ел арасындағы өткізу пункттерінің жұмысын жетілдіру мәселелерін қарастырды.
Сондай-ақ жоғарыда аталған консультацияларда алдағы кездесулер мен жоғары деңгейдегі іс-шаралар жоспары, оның ішінде Қазақстан Президентінің Қырғыз Республикасына мемлекеттік сапары, сонымен қатар тараптар халықаралық және өңірлік ұйымдар аясындағы өзара іс-қимыл мәселелері бойынша пікір алмасты.
Келіссөздер соңында қатысушылар Қазақстан мен Қырғызстан арасындағы достық және тату-тәтті көршілік рухта өзара тиімді екіжақты ынтымақтастықты одан әрі дамытуға уағдаласты.
Сурет: Mfa.gov.kz
