Қазақстан Республикасы Білім және ғылым министрлігінің бұйрығымен Ешенқұлов Талғат Ілиясұлы Білім және ғылым саласындағы бақылау комитетінің төрағасы қызметіне тағайындалды. Бұл туралы Премьер-Министрдің ресми сайты хабарлайды.
Ешенқұлов-Жамбыл облысының тумасы. Жоғары білімді М. Х. Дулати атындағы Тараз мемлекеттік университетінде, сондай-ақ Қазақстан Республикасы Президентінің жанындағы Мемлекеттік басқару академиясының Ұлттық мемлекеттік саясат мектебінде алған.
“Мемлекеттік және жергілікті басқару”бейіні бойынша Phd докторлық дәрежесі бар. Сондай-ақ, мемлекеттік басқару және білім беру жүйесін дамыту саласында екі оқу құралының және 19 ғылыми мақаланың авторы болып табылады.
Оның еңбек жолы 2000 жылы сот жүйесі органдарында басталды. Қаржы министрлігінде, Республикалық бюджеттің атқарылуын бақылау жөніндегі Есеп комитетінде әртүрлі басшылық қызметтерді атқарды.
2011 жылға дейін Қазақстан Республикасы Білім және ғылым министрлігі Балалардың құқықтарын қорғау Комитетінің Жамбыл облысы Балалардың құқықтарын қорғау Департаментінің басшысы болды.
2016 жылдың жазында Білім және ғылым саласындағы бақылау комитеті төрағасының орынбасары лауазымын алды. 2018 жылдың наурыз айынан қыркүйек айына дейін Қазақстанның Білім және ғылым вице-министрі болды.
2018 жылғы қыркүйекте Білім және ғылым саласындағы бақылау комитетінің төрағасы болып тағайындалды.
2019 жылдың ақпанынан бүгінгі күнге дейін Қазақстан Республикасының Білім және ғылым вице-министрі болды.
