Бүгін республикамыздың көшбасшысы Қасым-Жомарт Тоқаев еліміздің Білім және ғылым министрі Асхат Аймағамбетовпен кездесу өткізді. Ол Президентке жаңа оқу жылына дайындық туралы есеп берді, деп хабарлайды Қазақстан президентінің баспасөз қызметі.
Жаңа оқу жылы біздің оқушылардың көпшілігі үшін онлайн-режимде басталады. Дәстүрлі оқыту, оқушылар саны көп емес, тек қана ауылдық мектептерде болады.
Аймағамбетовтың жаңа оқу жылына дайындық бойынша жүргізіліп жатқан жұмыстар туралы баяндамасын тыңдаған мемлекет басшысы оған бірқатар нақты тапсырмалар берді.
Атап айтқанда, Қасым-Жомарт Тоқаев қашықтықтан оқыту кезінде осал санаттағы балаларға қолдау көрсету шараларын қабылдауды тапсырды. Сонымен қатар, Білім министріне педагогтардың мәртебесін көтеруге бағытталған жұмысты жалғастыру тапсырылды.
Кездесу аясында Президент мұғалімдердің жалақысына қатысты мәселені де қозғады. Тоқаев Білім министрлігі педагогтардың жалақысын 2021 жылдың қаңтарынан бастап 25%-ға арттыруды қамтамасыз етуі қажетиігін мәлімдеді.
Сонымен қатар, Қазақстан Республикасының басшысы Білім министріне еліміздегі жоғары білім сапасын арттыруды және отандық университеттерді дамытуды тапсырды.
Сурет: akorda.kz
