Қазақстан Республикасы Білім және ғылым министрінің орынбасары Шолпан Қаринованың қатысуымен онлайн-брифинг өтті, брифинг барысында ол Қазақстан Республикасында соңғы қоңырау болмайтынын мәлімдеді. Бұл туралы zakon.kz ақпарат агенттігі хабарлады.
Білім министрлігі басшысының орынбасары оқушылардың қатысуымен өтетін салтанатты іс-шараның өткізілмейтін себебі індеттің таралуы және қашықтықтан оқыту форматына байланысты деп түсіндірді.
Қашықтықтан оқыту туралы айта отыра, Шолпан Каринова оқушыларға дайындалған бейнсабақтардағы қателіктер үшін кешірім сұрады.
«Иә, біз ол қателерді көріп отырмыз. Қашықтықтан оқыту бізге күтпеген жерден келді, мұғалімдер оған дайын емес еді. Көптеген мұғалімдер қобалжуда болды. Осы 2 апта ішінде 700-ден астам бейнесабақ көрсетілді. Олардың көбі көктемгі демалыс кезінде түсірілді, бұл қателіктер үшін қоғамнан, ата-аналар мен оқушылардан кешірім сұраймыз», — деді ол.
Бұрынырық әлеуметтік желілерде бейне роликтер пайда болған, онда қазақ тілі сабағында бір педагог сөйлем мүшелерін ажырата алмады, тағы бір мұғалім сөздерді буынға дұрыс бөлмеді.
Қазақстанның бас санитарлық дәрігері Айжан Есмағамбетованың қаулысына сәйкес 6 сәуірден бастап барлық қазақстандық мектептер қашықтықтан білім алуға көшті.
Сурет: Zakon.kz
