Қазақстан Республикасы Білім және ғылым министрлігінің басшысы Асхат Аймағамбетов Көкшетау қаласының тарих пәні мұғалімі Әлия Ахетовамен кездесті.
“Біз кездестік,ол көтерген мәселелер туралы егжей-тегжейлі әңгімелестік. Негізінде, жақсы диалог өтті. Біз бұл жұмысты одан әрі жүргізуге ниеттіміз. Мен бірқатар көтерілген мәселелер бойынша білім министрлігі шаралар қолданғанын айтып өттім”, – деді Аймағамбетов.
Министрдің айтуынша, кездесу барысында мұғалімдерді Ұлттық біліктілік тестіне металл іздегіш арқылы өткізетіндігі туралы мәселе көтерілді.
Біз тамыз кеңесінде бұл жүйе өзгеретінін атап өттік. Қазір біз бұл жүйені өзгерттік. Сондықтан көтерілген мәселелердің бір бөлігі бүгінгі күні шешілді”, – деді білім министрі.
Бұған дейін тарих пәнінің мұғалімі еліміздегі білім берудің жаңартылған жүйесі туралы сын айтты.Ол сыбайлас жемқорлыққа қарсы күрес туралы,сонымен қатар бөлім және тоқсандық жиынтық бағалау жүйесі туралы айтқан болатын.
Сурет: 24.kz
