Қазақстан Республикасы Білім және ғылым министрлігінің басшысы Асхат Аймағамбетов бүгінгі халық алдындағы есептік кездесу барысында біздің республикада мұғалімдерге қандай жағдай жасалатынын айтты, деп хабарлайды nur.kz ақпарат ресурсы.
Есептік кездесу барысында Аймағамбетов Қазақстанда педагогтпрдың беделін арттыруға бағытталған педагогтардың мәртебесі туралы заңның қабылданғанын атап өтті.
Сондай-ақ, министр қазіргі уақытта біздің республикамызда 2025 жылға дейін білім мен ғылымды дамытудың жаңа мемлекеттік бағдарламасы іске асырылып жатқанын, оның шеңберінде педагогтар қажетсіз функциялар мен тексерулерден босатылатынын айтты.
Аймағамбетов педагогтердің жалақысы туралы айта келе , ол жыл сайын 25%-ға өсетінін мәлімдеді. Оның үстіне Қазақстанда аттестаттау енгізілді, оның нәтижесі бойынша мұғалімдердің жалақысы қосымша 30-50%-ға арттырады.
Білім министрлігі басшысының айтуынша, бүгінгі таңда 150 мыңнан астам Қазақстан мұғалімдері аттестациядан өтіп, уәде етілген үстеме ақы алды.
Асхат Аймағамбетовтың айтуынша, жас педагогтарға қолдау көрсету мақсатында Қазақстан Республикасында тәлімгерлік институты енгізілуде.
Сонымен қатар, ол тәжірибелі мұғалімдер жас мамандарға тәлімгерлігі үшін 17 мың теңге көлемінде жалақысына қосымша ақы алатынын айтты.
Сурет: Caravan.kz
