Бүгін Nur Otan праймеризінде электрондық дауыс беру аяқталды, ал ертең олардың нәтижелері белгілі болады. Билік партиясы неге партия ішінде жарыс өткізгенін қарастырайық.
Партияішілік сайлаудың басты мақсаты — Мәжіліс пен мәслихат сайлауында жеңіске жете алатын мықты партия мүшелерін анықтау — осыдан бастайық. Билеуші партияның жеңімпаздарының түпкілікті тізімінің 85%-ы мәслихат және 62%-ы парламенттің төменгі палатасын құрайтын болады. Бұл сандар партия ішіндегі жарыстан кейін қатысқандар сыртта қалуы мүмкін деген скептиктердің мәлімдемесін жоққа шығарады.
Меніңше, билік партиясы алдағы парламенттік сайлауға дейін қосымша ұпай жинау үшін праймериз бастады, және оны сәтті жүзеге асырды деп сеніммен айта аламыз, өйткені оның партияішілік сайлауы қоғамда үлкен қызығушылық тудырғаны көзге көрініп тұр. Басқа саяси бірлестіктер праймериз аясында статистер сияқты көрінеді. Шынымен де ол солай, әсіресе, парламенттегілер туралы айтатын болсақ.
Бұл жерде мартиялық жұмыстың келесі бір ерекшелігі — онлайн-режимде дауыс беру фактісі Қазақстанда алғашқы ауқымды электрондық дауыс беруді өткізген Nur Otan-ның көшбасшылығын көрсетеді. Билеуші партияның хатшысы Әлібек Алденейдің ақпаратына сүйенсек, «Праймериз» ақпараттық жүйесінде 728 мыңға жуық адам тіркелген, бұл партия мүшелерінің жалпы санының 90% құрайды.
Сондықтан, праймериз жақтаушылар мен сайлаушыларды тарту құралы болды, сондай-ақ Конституция бойынша келесі жылдың басында өтетін парламенттік сайлау алдындағы билеуші партияның жарнамасы ретінде болғанына сенімдімін. Бұл жаңа құбылыс және ол аяқталғаннан кейін, сайлау науқанының ресми түрде жариялануын күтуге болады.
Саяси шолушы Нұрлан Фадеев, арнайы «Эхо Казахстана» үшін.
