Бүгін, 8 қазанда Шымкент әуе айлағын сату бойынша сауда-саттық өткізілуі тиіс еді, бірақ ол өткізілген жоқ, деп хабарлайды tengrinews.kz жаңалықтар ресурсы.
Шымкент әуежайын сатып алу құқығымен сенімгерлік басқаруға беру жөніндегі тендерге қатысуға бір ғана өтінім түскен, ал өтінім кем дегенде екеу болуы керек.
Сауда-саттықтың жоспарланған бастапқы бағасы 5,2 миллиард теңгені болған. Ол қайтадан қашан болатыны әлі белгісіз.
Шымкент әуежайын сатып алғаннан кейін, оның жаңа иесі маршруттық желіні дамытып, көрсетілетін қызметтердің көлемін ұлғайтып, әуе айлағының жыл сайынғы таза пайдасының деңгейін ұстап тұруға тиіс, оның жаңа пайдасы 2021 жылдан бастап 150 миллион теңгеден төмен болмауы тиіс.
Бұған дейін Шымкент әуежайының сатылымына қатысты мәжілісмен Аманжан Жамалов өз пікірін айтқан болатын. Ол тендерге қатысуға өтінімдерді қабылдау мерзімі қысқа екенін, сондықтан ол біреуге сауда-саттықты тез және шусыз өткізуді көздеуі мүмкін деп санайды.
Сондықтан Мәжіліс депутаты білікті қатысушыларды тарту үшін өтінімдерді қабылдау мерзімін ұзартуды ұсынды. Оның пікірінше, бұл біздің мемлекетке еліміздің негізгі әуежайларының бірі болып табылатын Шымкент әуе айлағын сатудан барынша пайда алуға мүмкіндік береді.
Сурет: tengrinews.kz
