Nur Otan партиялық бақылау комитетін басқаратын Павел Казанцев партияішілік сайлау кезінде анықталған бұзушылықтар туралы айтты, деп хабарлайды tengrinews.kz ақпарат ресурсы.
Оның айтуынша, 17 тамыз – 4 қазан аралығында партия ішінде түрлі тәртіп бұзушылықтар бойынша 34 кандидат, оның 28-і пікірсайысқа қатысудан бас тартқаны үшін шығарылды.
Казанцев ең көп бұзушылықтар Нұр-Сұлтанда анықталғанын айтты. Ол дауыстарды бұрмалағаны үшін праймеризге қатысудан шеттетілген Қазақстан Құрылысшылар одағының төрағасы Талғат Ерғалиевті мысалға келтірді.
“Мектептерде және басқа да коммуналдық мемлекеттік мекемелерде кандидаттардың үгіт-насихат жүргізу фактілері анықталды. Бұл бұзушылықтарға қатысы бар кандидаттарға ескерту жасалды. Алматыда кандидаттың үгіт материалдарын жапсыру фактілерінің жолы кесілді, ал Атырау облысында кандидаттардың бірі өзінің үгіт материалдарында мемлекеттік жауапты адамның бейнесін оның жазбаша рұқсатынсыз пайдалану фактісі анықталды”, – деді билік партиясының өкілі.
Ол өткен жылдың шілде айынан бастап бүгінгі күнге дейін түрлі тәртіп бұзушылықтар бойынша 240 мыңнан астам партия мүшесі Nur Otan қатарынан шығарылғанын атап өтті.
Nur Otan праймериздерінің басты мақсаты – алдағы Мәжіліс пен барлық деңгейдегі мәслихаттар сайлауында жеңіске жете алатын партияның мықты мүшелерін іріктеу.
Билеуші партияның түпкілікті партиялық тізімдері бастауыш партия жеңімпаздарының 85%-ы мәслихаттарға, 62%-ы Мәжіліске қалыптастырылатыны белгілі.
Сурет: rus.azattyq-ruhy.kz
