“Ел мен жер” қозғалысының және “Халық билігі” бірлестігінің қатысушылары Президент әкімшілігіне жазбаша өтініш жолдап, онда келесі жылдың 10 қаңтарына жоспарланған алдағы парламенттік-мәслихат сайлауын өткізуді кейінге қалдыруға шақырды.
Белсенділер сайлау туралы, саяси партиялар және бейбіт
жиналыстар туралы заңдар қайта қаралмайынша сайлауды өткізбеуді талап етті.
“Біз адамдарның сайлау, сайлану, өз көзқарасын еркін білдіру, партиялар мен қоғамдық бірлестіктер құру, бейбіт түрде жиналу құқықтарының сақталуын талап етеміз”, – деп мәлімдеді белсенділердің бірі Жанат Нұркышев.
Саяси қозғалыстардың мүшелері билік олардың талаптарын қарастыратынына үмітті.
Сонымен қатар, алдағы сайлау 2004 жылдан бастап конституциялық мерзімде бірінші рет өтеді. Оған бес партия қатысады, атап айтқанда Nur Otan, “Ақ жол”, Халық партиясы, “Ауыл” және “Адал”.
Бірқатар сарапшылардың пікірінше, 2021 жылғы сайлаудан “тосынсыйларды” күтудің қажеті жоқ, өйткені кез келген жағдайда елдегі абсолютті басым Nur Otan билеуші партиясы жеңіске жетеді.
Сурет: rus.azattyq.org
