Еліміздің астанасында, ішкі істер министрлігі ғимаратының жанында саяси активист Дулат Ағадилдің қайтыс болуына байланысты ұйымдастырылған наразылық акциясы өтуде. Бұл туралы “ҚазТАГ” ақпарат агенттігі жазады.
Жиналғандар Тұңғыш Президент Нұрсұлтан Назарбаевтың, мемлекет басшысы Қасым-Жомарт Тоқаевтың, құқық қорғау ведомствосының басшысы Ерлан Тұрғымбаев пен Ұлттық қауіпсіздік комитетінің төрағасы Кәрім Мәсімовтің орнынан кетуін талап ететінін айтты.
Осындай талаптарды Алматы әкімдігінің жанында жиналған белсенділер де айтты және осы жылдың 1 наурызында өтетін митингті жариялады.
Бұл туралы саяси белсенді Даная Қалиева мәлімдеді. Оның айтуынша, бастапқыда митингте тек әлеуметтік мәселелер көтеріледі деп жоспарланған.
Бірақ Дулат Агадилдің қайтыс болуына байланысты митингке қатысушылардың талаптары түбегейлі өзгереді. Енді белсенділер Назарбаевтың отставкаға кетуін талап етіп сөз сөйлеуге ниетті, себебі Қалиеваның пікірінше, ол өз міндеттерін орындамайды, қауіпсіздік комитеті мен министрлер кабинетін таратпайды.
Сонымен қатар, белсенділер барлық саяси тұтқындарды, соның ішінде әкімшілік қамауға алынғандарды бостандыққа шығаруды талап ететін болады.
Бұған дейін БАҚ-та Дулат Ағадил ТИЗО-да көз жұмды деген ақпарат пайда болды. Ішкі істер өкілдері оның мас күйінде, жүрек жеткіліксіздігінен қайтыс болғанын айтқан. Алайда белсенділердің туыстары мұнымен келіспейді. Олар Агаділ ешқашан алкоголь ішімдіктерін ішпегенін және денсаулығына шағымданбағанын айтты.
Сурет: kaztag.info
