Бүгін Талдықорған қаласында Facebook әлеуметтік желісінде алдағы сайлауға қатысты қоғамдық пікірге сауалнама жүргізуді шешкен азаматтық белсенді Нұр Итжановқа айыппұл салынғаны белгілі болды. Атап айтқанда, ол тұрғындарға Тоқаев пен Қосанов арасында таңдау жасауды ұсынды. Бұл туралы «Уральская неделя» газетінің тілшілері хабарлады.
Жас жігіт оның үйіне полиция қызметкерлері келіп, оған ӘҚБтК-нің 120-бабын (Қазақстан Республикасының сайлау заңнамасының талаптарын сақтамай, қоғамдық пікірге сауалнама жүргізу) бұзды деп айыптағанын хабарлады.
Осыдан кейін Талдықорған әкімшілік сотында Нұр Итжановты кінәлі деп танылып, 37875 теңге көлемінде айыппұл салды. Талдықорған соты жас жігіттің осы тақырып бойынша қоғамдық пікіртерім жүргізуге құқығы жоқ деп қаулы етті. Қоғамдық сауалнама жүргізу үшін заңды тұлғаның кемінде 5 жыл жұмыс тәжірибесі болу керек, сондай-ақ ҚР Орталық сайлау комиссиясының рұқсаты қажет.
Өз кезегінде белсенді сот қаулысына шағымдануды көздеп отыр, себебі өзін кінәлі деп санамайды.
«Соттасамын, прокуратурамен және сотпен еліміздегі шындық, ақиқат, әділдік, сөз бостандығы мен демократия үшін соңына дейін күресемін. Фейсбукте қарапайым сауалнама жүргізгені үшін азаматты айыптап, айып тағу — жөнсіздік, бұл ақымақтық, бұл жарыместік, бұл алжығандық, бұл адамның конституциялық құқықтары мен бостандығын бұзу», – деп хабарлады өз шағымында Нұр Итжанов.
Сурет: uralskweek.ru
