Ресейдің Денсаулық сақтау министрлігінің Сібір федералды округіндегі балалар бас хирургі Юрий Козлов біздің еліміздің дәрігерлері үшін үлгілі ота жасады. Бұл туралы ресейлік vesti.ru ақпараттық ресурсы жазады.
Козлов Қазақстанға Россотрудничество өкілдігінің шақыртуымен келді. Оның біздің елге келу мақсаты — дәрігерлермен тәжірибе алмасу және медициналық жоғары оқу орындарында оқитын студенттермен семинар өткізу.
Ресейде танымал хирургы өзінің авторлық әдістемесі туралы айта отыра, ол эндохирургиялық оталарды өте жылдам, ең бастысы тиімді жүргізуге мүмкіндік беретінін атап өтті.
Мұндай операциялардың ерекшелігі — ота кезінде терең кесудің қажеті жоқ. Ол хирургиялық құралдар енгізілген тіндердің пункциясы арқылы жасалады. Хирург арнайы монитор арқылы операцияның барысын бақылайды.
Қазақстандық мамандар Юрий Козловтың әдістемесін жоғары бағалап, оны біздің елде қолдану ниеті туралы мәлімдеді.
«Бүгінгі таңда біздің басты міндетіміз — шексіз балалар хирургиясы. Балалардың денсаулығын жақсартатын жаңа технологияларды әр түрлі аймақтарда таратуда шек болмауы керек. Барлық адамзатқа ортақ нәрсе болуы керек», — деді Козлов.
Сурет: vesti.ru
