26 тамызда Беларусь астанасында Қазақстан елшісі Ермұхамет Ертісбаевтың Беларусь Сыртқы істер министрі Владимир Макеймен кездесуі өтті. Кездесудің себебі Қазақстан елшісінің Беларусь Республикасындағы дипломатиялық миссиясының аяқтауы болды. Бұл туралы ҚР сыртқы істер министрлігінің баспасөз қызметі хабарлады.
Кездесу барысында Владимир Макей Ертісбаевқа екі мемлекет арасындағы қарым-қатынастарды дамытуға қосқан үлесі үшін алғысын білдірді.Оның екі мемлекеттің мәдени және гуманитарлық қарым-қатынастарын дамытуға және Қазақстан мәдениет күндерін өткізуге қосқан үлесін атап өтті.
Өз кезегінде қазақстандық дипломат Беларусь тарапына бірлескен іс-шараларды өткізуге қолдау көрсеткені үшін алғысын білдірді.Сонмен қатар, ол ағымдағы жылдың қазан айында Беларусь Республикасының Президенті Александр Лукашенконың Қазақстанға сапарын айтты.
Сондай-ақ Ертісбаев екі мемлекет арасындағы қарым-қатынастары дамуының жоғары динамикасын атап өтті. Ол Беларус тарапының ұсынысы бойынша Лукашенко сапары бағдарламасында оның Қазақстандағы Беларусь елшілігінің жаңа ғимаратының ашылуына қатысуы қарастырылатынын, сондай-ақ екі мемлекеттің мүдделі компаниялары қатысатын бизнес-форум өткізу жоспарланғанын айтты.
Кездесу соңында тараптар Қазақстан-Беларусь қарым-қатынастарын одан әрі дамытуға келісті.
Сурет: Inform.kz
