Беларусь Республикасы Үкіметінің басшысы Роман Головченко Батыс мемлекеттері ЕАЭО-ға қатысушы елдер экономикаларының, оның ішінде санкциялар арқылы дамуын тежеуге қол жеткізіп отыр деген пікір білдірді. Бұл туралы ол Алматы қаласындағы Еуразиялық үкіметаралық кеңестің отырысы кезінде айтты.
“Кез-келген сылтаумен ұжымдық Батыс біздің экономикалық дамуымызды бәсеңдетуге тырысады. Санкциялар енгізіледі, маңызды инфрақұрылымдық жобаларды қаржыландыру және іске асыру бұғатталады, технологияларды беруге тыйым салынады, озық өнімдер мен жиынтықтауыштарды өндіру үшін қажетті технологияларды жеткізу тоқтатылады. Сыртқы нарықтарға шығу мүмкіндігі де осындай”, – деді Головченко.
Оның айтуынша, мұның бәрі импортты алмастыруды жандандыру үшін алғышарттардың пайда болуына ықпал етеді, ең алдымен стратегиялық тауарлар мен технологияларға қатысты.
“Сыртқы әлем қарқынды өзгеруде, протекционизм қарқынды дамуда,әсіресе бұл біздің батыстық серіктестерімізге тән. Сондықтан, күн тәртібіне шағын құрамда мұқият қараған мәселелерді дер кезінде енгізу қажет деп санаймын. Қазіргі жағдайды ескере отырып, бізге жаңа сауда келісімдерін жасауға ұмтылу ғана емес, сонымен қатар үшінші елдермен қарым – қатынаста өз құқығымызды қорғауға, одақ ретінде блок ретінде қорғауға мүмкіндік беру керек”, – деп Беларусь министрлер кабинетінің басшысы түсіндірді.
Жұма күні Алматыда Еуразиялық үкіметаралық кеңеске қатысушылардың кезекті отырысы өтті. Ол барлық санитарлық-эпидемиологиялық нормаларға сәйкес тар және кеңейтілген құрамда жүргізілді. Келесі отырыс осы жылдың 23 сәуіріне белгіленіп, Ресей Федерациясында өтеді.
