Желіде біздің республикамызда қоғамдық тәртіпті қамтамасыз етуге қосымша қаражат бөлу туралы Қазақстан Үкіметі қаулысының жобасы пайда болды, деп хабарлайды “ҚазТАГ” ақпараттық ресурсы.
Құжатта биыл қоғамдық тәртіпті, құқықтық, сот және қылмыстық-атқару қызметін қамтамасыз етуге бөлінетін 16,8 миллиард теңгенің орнына, 17 миллиард теңгеден астам қаражат жұмсалатыны көрсетілген.
Сондай-ақ, Министрлер Кабинеті қаулысының жобасында Қазақстанның сыбайлас жемқорлыққа қарсы іс-қимыл агенттігіне 137 миллион теңгеден астам қаражат бөлу көзделген.
Құжатта республиканың сыбайлас жемқорлыққа қарсы қызметі бұл бюджет қаражатын Нұр-Сұлтанда азаматтарды қабылдау пункті бар бақылау-өткізу пунктін құруға бағыттайтыны белгіленген.
Еліміздің қауіпсіздік ведомстволарына қоғамдық тәртіпті қамтамасыз ету үшін қосымша қаражат бөлінуіне байланысты азаматтық және әскери қақтығыстарды зерттеу орталығының сарапшысы Сұлтанбек Ағеев өз пікірін білдірді.
“Менің ойымша, біздің билікке соңғы оқиғалар аясында әлемдік қауымдастыққа көрсеткен Беларусь ерекше мақсаттағы милиция жасағының техникалық жабдықтары әсер етті. Сондықтан, бұл бағытта Беларусьтан қалыс қалмауға шешім қабылдап, қауіпсіздік күштері құрылымдарын жабдықтауға қосымша қаражат бөлді”, – деді Агеев.
Сурет: newkaliningrad.ru
