Беларусь Президенті Александр Лукашенко посткеңестік елдердің басшыларын, соның ішінде Қасым-Жомарт Тоқаевты, Минскіге Ұлы Отан соғысы Жеңісінің 75 жылдығына арналған шеруге шақырды, деп хабарлайды zakon.kz ақпарт ресурсы.
“Минскіде жиналған дұрыс болар еді. Бұл жер бетінен жойылған ел, бірінші соққы алған, қариялар мен балалар төрт жылға жуық батпақта, орманда, жертөлелерде өмір сүрген Республика. Бұл ең зардап шеккен республика – сол қатыгез соғыстың тірі ескерткіші. Бұл жерде жиналу керек, бұл күні тіпті де”, – деді Беларусь көшбасшысы.
Сондай-ақ, Александр Лукашенко Ресей Федерациясының азаматтары үшін Минскіде Жеңіс шеруін ұйымдастыруға болатынын атап өтті. Осыған байланысты ол ресейлік теледидарға тиісті мәселені пысықтауды ұсынды.
Бұдан бұрын Лукашенко ЕАЭО әріптестеріне Минскіде Жоғары Еуразиялық экономикалық кеңестің кезекті отырысын дәстүрлі форматта ұйымдастыруды ұсынған.
Беларусь басшысы Минскіде жиналып, ЕАЭО-ға байланысты барлық өзекті мәселелерді талқылауға болатынын айтты. Оның айтуынша, мұндай шараны өткізуге және қауіпсіздікті қамтамасыз етуге дайын.
Сурет: vgr.by
