Минскіде Қазақстан-Беларусь қарым-қатынастарының қорытындысы шығарылды. Бұл туралы Қазақстан Республикасының Беларусь Республикасындағы Төтенше және Өкілетті Елшісі Асқар Бейсенбаев хабарлады.
Қазақстан дипломатының айтуынша, 2019 жыл екі мемлекет үшін ынтымақтастықты дамыту тұрғысынан өте маңызды болды.
Қазақстан-Беларусь қарым-қатынасы туралы айта келе, Асқар Бейсенбаев қазіргі кезде елдер Қазақстан мұнайын Беларуське жеткізу жөнінде келіссөздер жүргізіп жатқанына назар аударды. Оның айтуынша, әзірге тараптар көлемі туралы уағдаласқан жоқ, бірақ жалпы бәтуаға келді.
Сондай-ақ, Қазақстан елшісі елшілікте Беларустың импорттық бағыттаушы әлеуетін бағалау бойынша жұмыс жүргізілгенін, оның нәтижелері бойынша мамандар біздің республикамыз бұл елге өз тауарларын одан да көп жеткізе алады деген қорытындыға келді. Ол Қазақстанда қазір бұл мәселелер зерделеніп жатқанын мәлімдеді.
Асқар Бейсенбаев Қазақстан мен Беларусь 1992 жылдан бері сенімді серіктес болып көптеген салаларда ынтымақтасып отырғанын, сондықтан екі мемлекет арасында екіжақты қатынасты кеңейту қажет екенін атап өтті.
