20 мамырда Қазақстан Республикасы Парламенті Сенаты төрағасының орынбасары Бектас Бекназаров Украинаның жаңа президенті Владимир Зеленскиймен кездесті. Кездесу Владимир Зеленскийдің Украина Президенттігіне ұлықтау рәсімінен кейін өтті. Бұл туралы ҚР Парламенті Сенатының баспасөз қызметі хабарлайды.
Салтанатты рәсім аяқталғаннан кейін, ұйымдастырылған кездесу аясында Бектас Бекназаров бүкіл Қазақстан халқының атынан Владимир Зеленскийді Украина президенті лауазымына ресми кірісуімен құттықтады, сондай-ақ оған жаңа лауазымда табыстар мен жетістіктер тіледі.
Кездесу барысында Бекназаров пен Зеленский Қазақстан мен Украина арасындағы ынтымақтастықтың бірқатар маңызды мәселелерін талқылады.
Кездесу соңында Қазақстан Республикасы Парламенті Сенатының орынбасары Владимир Зеленскийді Украина президенті қызметіне кірісуімен тағы да құттықтады.
Естеріңізге сала кетейік, Зеленский Венгрия президентімен болған кездесу кезінде Ресейге қатысты санкцияларды күшейтуді және Украинаның НАТО-ға кіруі үшін кедергілерді алып тастауды талап еткен болатын. Яғни, саяси сабақтастық сақталып, Порошенконың бұрынғы саясатын жалғастыруда және жаңа президент олигархиялық күштердің қолдауына сүйенеді.
Сурет: Inform.kz
