Алматы облысында апатқа ұшыраған ұшақтың иесі Bek Air әуе тасымалдаушысы осы жылдың 31 желтоқсанына дейін жоспарланған рейске сатып алынған барлық билеттердің ақшасын қайтарады. Бұл туралы әуе компаниясының баспасөз қызметі хабарлады.
Билеттердің ақшасын қайтару жұмыстары басталды, өйткені бұл әуе тасымалдаушысының барлық рейстері ұшырылмайтын болды. Жалпы алғанда, компания 10 мыңға жуық билеттің ақшасы қайтарылады.
Сонымен қатар, Bek Air әуе тасымалдаушысы қазақстандықтарға басқа отандық авиакомпаниялардың қызметтерін пайдалануды ұсынады. Бұл ретте авиабилеттердің бағасы қымбаттамайды.
Сондай-ақ, кейінге қалдырылған рейстердің жолаушылары Air Astana және Qazaq Air авиакомпанияларынан Bek Air бағасымен билет сатып ала алады. Алайда,мұндай қызметті маршруттарда бос орын болған жағдайда ғана пайдалануға болады.
Әуе апатынан қаза болғандардың туыстары Air Astana әуе тасымалдаушысынан тегін билет ала алады.
Делдалдар арқылы артық шығын болдырмау үшін, біздің республиканың авиакомпаниялары азаматтарға билеттерді тек ресми сайттардан және тіркелген сату нүктелерінен сатып алуды ұсынады.
