Біздің республикамыздың Сауда министрлігінің басшысы Бақыт Сұлтанов Bek Air әуекомпаниясының клиенттеріне болмаған авиарейс билеттерінің ақшалай қаражаттын өтеу бойынша жүргізіп жатқан жұмысы туралы айтты, деп хабарлайды «ҚазТАГ» ақпарат ресурсы.
Халық алдындағы есеп беру кездесуі кезінде сауда министрі бұған дейін тұтынушылар құқығын қорғау комитеті 2019 жылғы желтоқсанда Алматы әуе айлағының жанында ұшағы апатқа ұшырағанын Bek Air компаниясына екі талап арыз бергенін еске салды.
Шағымдарда комитет әуе тасымалдаушыдан өз клиенттеріне авиабилеттердің ақшасын қайтаруды талап етті. Сот қанағаттандырған талаптардың жалпы сомасы 60 миллион теңгеден астам болды.
Бақыт Сұлтанов Bek Air авиакомпаниясының 990 клиенті авиабилеттерінің ақшалай қаражатын қайтарып алғанын, олардың жалпы көлемі 60 миллион теңгені құрағанын мәлімдеді.
Егер сот тұтынушылардың құқықтарын қорғау комитетінің Bek Air компаниясына берген үшінші талабын қанағаттандырса, онда ол өз клиенттеріне ұшпаған рейстің билеттер үшін тағы 7,6 миллион теңге төлеуге міндетті болады.
Бұрынырақ ұшуға қауіп төндіретін елеулі бұзушылықтардың анықталуына байланысты Bek Air әуе тасымалдаушысының пайдаланушы сертификаттары мен барлық ұшақтардың ұшу жарамдылығы қайтарып алынғаны хабарланған болатын.
Сурет: aeronautica.online
