Батыс Қазақстанда “Батыс Қазақстан облысының ауылдық үкіметтік емес ұйымдарының әлеуетін арттыру” жобасының жеңімпаздары анықталды, деп хабарлайды “ҚазАқпарат” ақпарат ресурсы.
Бұл жоба туралы оның үйлестірушісі, “Жайық таңы” қоғамдық бірлестігінің жетекшісі Гүлбаршын Муштанова егжей-тегжейлі айтты.
Ол бүгінгі таңда облыстың әр ауданында өзінің үкіметтік емес ұйымдары бар екенін, бірақ олардың барлық мүшелері қандай да бір мәселелерді шешуде белсенділік танытпайтынын атап өтті.
Гүлбаршын Муштанованың айтуынша, осыған байланысты жоба іске қосылып, оның аясында ауылдық қоғам ұйымдарының өкілдеріне оқу семинарлары ұйымдастырылды.
“Тренингтер өткізе отырып, біз оларға қажетті мақсаттар қоюға, адамдарды біріктіруге, түрлі жағдайлардан шыға білуге көмектестік. Олар жобаларды әзірлеуді, оларды басқаруды, халықты жұмылдыруды және БАҚ-пен ынтымақтасуды үйренуі тиіс еді”, – деді Муштанова.
Сонымен қатар, ол жобаның ерекшелігі қатысушылар алған білімдерін іс жүзінде тексеру мүмкіндігі болғанын атап өтті. Бұл үшін арнайы 500 мың теңге көлемінде грант беру конкурсы өткізілді.
Байқау қорытындысы бойынша облыстың 5 ауданынан келген қоғам өкілдері грантқа ие болды, оның ішінде 5 үкіметтік емес ұйым және 5 бастамашыл ауыл тұрғындары.
Сурет: inform.kz
