БҚО мәслихатының сессиясында төрт елді мекенді қайта атау туралы шешім қабылданды. Бұдан бұрын облыстық ономастика комиссиясы жаңа атауларды бекітті.
Бұл,негізінен, Тасқала ауданында орыс атауларын қазақ тіліне ауыстыру. Беленькое Ақкүтір, Черная Впадина -Қараой, Ермольчево-Еменжар деп аталды. Бөкей ордасы ауданындағы Жамбыл ауылы Жетібай ауылы болмақ.
Сонымен қатар, БҚО мәдениет және тілдерді дамыту басқармасының басшысы Айгүл Мыңбаева: “жұмыс ономастикалық атауларды реттеу және идеологиялық тұрғыдан ескірген болып табылатын тарихи атауларды жаңарту мақсатында жүргізілуде. Облыстың қоғамдық кеңесі шешімді мақұлдады”.
БҚО Казталов ауданының әкімі Абат Шыныбековтың хабарлауынша, “Кішкенешал, Таскүтір, Құрман елді мекендерін тарату туралы шешім қабылданды. Кішкенешал ауылында 10 адам тұратын үш үй бар. Таскүтір елді мекенінде-2 тұрғын үй, онда 12 адам тұрады. Құрман ауылында халық жоқ. Елді мекендерде әлеуметтік инфрақұрылым объектілері және өнеркәсіптік объектілер жоқ”.
Шенеуніктердің пікірінше, елді мекендердің қысқаруы басқа ауылдарды ірілендіруге ықпал етеді.
Елді мекендерді жоюға қарсы шыққан жалғыз адам облыстық мәслихаттың депутаты Катаолла Ашығалиев болды. Ол өз пікірін сессия хаттамасында жазуды талап етті.
Сурет: Tengrinews.kz
