Шамалған бекетінде жолаушысы бар автокөлік кюветке ұшып, өзенге батып кетті. ЖКО салдарынан екі адам қаза тапты.
Оқиға орнынан бейне әлеуметтік желіде таратылуда. Арналған кадрларда техниканың көмегімен судан автокөлікті шығарып жатканы көрініп тұр. Кадрды түсіріп жатқан адам салонның артында адамдар бар дейді.
«Жол апатында 1982 және 1988 жылы туылған екі ер адам қаза тапты. Қажетті сараптамаларды тағайындау фактісі бойынша ҚК — нің 345-бабының 4-бөлігінде «көлік құралдарын жүргізуші адамдардың абайсызда екі немесе одан да көп адамның өліміне әкеп соққан Жол қозғалысы немесе көлік құралдарын пайдалану ережелерін бұзуы» қарастырылған сотқа дейінгі тергеу басталды», — деп хабарлады Алматы облысы полиция департаментінің баспасөз қызметі.
