Бас Прокурордың бұйрығымен әскери прокуратура органдарында кадрлық тағайындаулар жасалды, деп хабарлайды қадағалау органының сайты.
Бас әскери прокурордың орынбасары қызметіне әділет полковнигі Дархан Ержанов тағайындалды.
Ержанов 1975 жылы Қостанай облысында туған.Әл-Фараби атындағы ҚазМУ “Құқықтану”мамандығы бойынша бітірген. Прокуратура органдарында қызметін 1996 жылы Қостанай қаласы прокурорының көмекшісі лауазымынан бастаған, кейін Қостанай облысының прокуратурасы мен Қазақстанның Бас прокуратурасында әртүрлі қызмет атқарған. 2009 жылдан – Қостанай гарнизонының әскери прокуроры. Прокуратура органдарындағы еңбек өтілі – 22 жылдан астам.
Сонымен қатар, батыс аймағының әскери прокуроры лауазымына әділет подполковнигі Нұрлан Айтуғанов тағайындалды. Нұрлан Айтуғанов 1981 жылы Шымкент қаласында дүниеге келген. 2002 жылы Оңтүстік Қазақстан мемлекеттік университетінің «Құқықтану» факультетін бітірген. 2010 ж. – Қазақстан Президенті жанындағы Мемлекеттік басқару Академиясын “Құқықтану” мамандығы бойынша аяқтады. 2006 жылы Орал гарнизонының әскери прокурорының көмекшісі болып, одан кейін Ақмола гарнизонының әскери прокуратурасында және Бас әскери прокуратурасында қызмет атқарды. Соңғы тағайындауға дейін Ақмола гарнизонының әскери прокурорының орынбасары болды. Прокуратура органдарындағы жұмыс өтілі-12 жылдан астам.
Сурет: kstnews.kz
