Қазақстанның бас сандәрігері Айжан Есмағамбетова біздің республикада карантин режимін қатайту мүмкін екендігін мәлімдеді, деп хабарлайды “Хабар24” жаңалықтар ресурсы.
Есмағамбетова Нұр-Сұлтанда соңғы бірнеше күн ішінде 358 нысан тексерілгенін айтты. Нәтижесінде оның 86-сы белгіленген карантиндік талаптарды сақтамайтыны анықталды.
Сонымен қатар, ол көптеген сатушылар маскалар мен қолғаптарды, сондай-ақ антисептикалық құралдарды пайдаланбай жұмыс істейп жатқанын атап өтті.
Бас сандәрігер белгіленген талаптарды кейбір стоматологиялық клиникалар мен сұлулық салондары да сақтамайтынын атап өтті.
Сондықтан Айжан Есмағамбетова қазақстандықтарды санитарлық нормаларды сақтауға шақырды. Ол, егер азаматтар тәртіпті сақтамайтын болса, карантиндік режим қатаңдатылуы мүмкін екенін ерекше атап өтті.
Бұған дейін Қазақстанда қолданылып жатқан карантиндік шаралар жөнінде Президент Қасым-Жомарт Тоқаев азаматтардың өз қауіпсіздігі үшін, індет әлі аяқталмағандықтан,тәртіпті бұзбау керектігін айтты.
Бүгінгі таңда Қазақстан Республикасында коронавирус ауруының 6969 жағдайы ресми түрде расталды, олардың ең көп саны Алматыда – 1909 жағдай анықталды.
Сурет: kapital.kz
