Қазақстан Республикасының бас санитарлық дәрігері Айжан Есмағамбетова елімізде індеттің таралуы жағдайына түсініктеме берді, деп хабарлайды tengrinews.kz жаңалықтар ресурсы.
Есмағамбетованың айтуынша, біздің республика айтарлықтай нәтижеге қол жеткізді – COVID-19 жағдайы тұрақтанды. Соңғы аптада коронавирус ауруының өсімі 7%-дан асқан жоқ.
Сонымен қатар, бас сандәрігер карантиндік шаралардың арқасында Қазақстанда аурудың күрт өсуіне жол берілмегенін атап өтті, бұл медицина қызметкерлеріне түскен жүктемені азайтты.
“Мен денсаулық сақтау министрлігі ұсынған шараларды сақтағаны үшін әрбір қазақстандыққа алғыс айтқым келеді. Эпидемиялық жағдайды ескере отырып, карантин шаралары бірте-бірте жойылуы тиіс. Біз біртіндеп қалыпты тыныш өмірге көшуіміз керек. Бірақ, әрине, жағдайға байланысты карантин шаралары біртіндеп жеңілдетіледі”, – деді Есмағамбетова.
Айжан Есмағамбетованың айтуынша, Қазақстанда коронавирустық инфекциядан мыңнан астам адам емделгені тағы бір маңызды көрсеткіш болып табылады.
Соңғы мәліметтерге сәйкес, Қазақстан Республикасында коронавирус ауруының 3988 жағдайы ресми түрде тіркелді, олардың ең көп саны – 1291 жағдай Алматыда анықталды.
Сурет: inform.kz
