ҚР Бас прокурорының орынбасары Марат Ахметжанов егер Қытай соты біздің еліміздің азаматы Ақжарқын Тұрлыбайды кінәлі деп танса, Қазақстан билігі сотталушыны Отанына беру туралы сұрау салуға құқылы деп мәлімдеді.
Қазір Ақжарқын Тұрлыбайдың ісі қаралу үстінде. Оған есірткі контрабандасы үшін айып тағылып, өмір бойы бас бостандығынан айырылуы мүмкін. Айыпталушы өз кезегінде есірткіні оған тастап жібергенін айтады.
Марат Ахметжановтың айтуынша, Қазақстанның бас прокуратурасы еліміздің азаматшасы жазасын отанында өтейді деген ұсыныста тұруға ниетті.
Қытай соты төрелігінің соңғы нұсқасын күтеміз. Егер ақталса, өте жақсы. Егер сотталған болса, ол өтініш жасауға құқылы және біз Қазақстан аумағында жазасын одан әрі өтеу үшін сауал жіберуге құқылымыз», – деді бас прокурордың орынбасары.
