Бас прокуратура комитеттерінің көшпелі отырысында Мәжіліс депутаттары қабылданған заңдардың практикада қалай қолданылатынын және іс жүзінде сандық технологияның оларды қолдануда тиімділігін арттыруға қалай ықпал ететінін бағалады. Бұл туралы zakon.kz ақпарат агенттігі хабарлайды.
Мәжілісмендер Бас прокуратураның «Әкімшілік өндірістердің бірыңғай тізілімі», «Тексеру субъектілері мен объектілерінің бірыңғай тізілімі», «Электрондық өтініштер»сияқты сандық жобаларымен танысты.
Бас прокурордың орынбасары Марат Ахметжанов депутаттарға әзірленген жүйелер жұмысының ерекшелігі туралы айтты. Оның айтуынша, бұл жобалардың басты мақсаты сыбайлас жемқорлық қауіптерін жою, ашықтықты көтеру, сондай-ақ мемлекеттік бақылау мен қадағалау қызметінің деңгейін арттыру болып табылады.
Мәжіліс төрағасының орынбасары Павел Казанцев Бас прокуратураның атқарған жұмысына баға бере отырып, азаматтардың, сондай-ақ бизнес субъектілерінің құқықтары мен заңды мүдделерін қорғау саласында әзірленген жобалардың маңыздылығын атап өтті.
«Бізге қабылданған заңдардың қалай жұмыс істейтіні де маңызды. Олардың тиімділігі маңызды. Оның үстіне азаматтарды қорғау, мемлекеттік органдардан түскен өтініштерді сапалы қарауы, кәсіпкерлікті дамыту мәселелері әрқашан Мәжіліс депутаттарының бақылауында. Бұған мемлекет басшысы үлкен көңіл бөледі, ол біздің алдымызға тиісті заңнамалық міндеттер қояды. Осы бағытта көптеген заңдар пакеті қабылданды. Бүгін Мәжіліс депутаттары заңнаманы жетілдіру жұмыстарын жалғастыруда», — деді ол.
Сурет: zakon.kz
