Қазақстан Бас прокурорының орынбасары Марат Ахметжанов журналистермен кездесу аясында Жезқазғандағы «Қазақмыс» корпорациясының басшыларына жасалған қастандық туралы түсінік берді. Бұл туралы қазақстандық қадағалау органының баспасөз қызметі хабарлады.
Ахметжанов мәлімдегендей, «Қазақмыс» корпорациясының бас директоры Амангелді Минигуловқа шабуыл жасау фактісі бойынша қылмыстық іс ашылды. Алайда, ол тергеу құпиясын негізге ала отырып, бұл туралы толық ақпарат берген жоқ.
Сонымен қатар, Бас прокурордың орынбасары Амангелді Минигуловқа қастандық жасау оқиғасының себептері анықталғаннан кейін ғана жарияланатынын айтты.
Сондай-ақ, журналистермен кездесу барысында қадағалау органының өкілі іс жүзінде осындай қылмыстық істер кінәлі адамның қайтыс болуы себепті жабылып жатқанын атап өтті.
Бұрынырақ отандық БАҚ — тарда «Қазақмыс» корпорациясының бас директоры мен бөлім басшысына жасалған шабуыл туралы ақпарат пайда болды.
Кәсіподақ төрағасы Тоғызбай Тәжбеков Бас директордың кабинетіне кіріп, оны және бөлім басшысын пышақтап, кейін өз-өзіне қол салғаны айтылған.
Сурет: zakon.kz
